Православные молитвы

Чинопоследование литургии Преждеосвященных даров (святого Григория Двоеслова)

Ектении и молитвы о верных

После повеления оглашенным удалиться из храма начинается литургия верных.

Священник тайно молится (первая молитва верных):

Боже великий и хвальный, Иже животворящею Христа Твоего смертию в нетление нас от тления преставивый! Ты вся наша чувства стра́стнаго умерщвления свободи΄, блага́го тем владыку внутренний помысл приставив: и око у́бо да неприо́бщно будет всякаго лукаваго зрения, слух же - словесе́м пра́здным невхо́ден, язык же да очистится от глагол неподо́бных: очисти же наша устне́, хва́лящия Тя, Господи; ру́ки на́ши сотвори злых у́бо оша́ятися [1] деяний, действовати же то́чию яже Тебе благоугодная, вся на́ша у́ды и мысль Твою утверждая благодатию.

Диакон: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Диакон: Премудрость.

Священник возглашает окончание первой молитвы верных: Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков.

Хор: Аминь.

Диакон: Паки и паки миром Господу помолимся.

Хор: Господи, помилуй.

Диакон: О свышнем мире и спасении душ наших Господу помолимся.

Хор: Господи, помилуй.

Диакон: О мире всего мира, благостоянии Святых Божиих Церквей и соединении всех Господу помолимся.

Хор: Господи, помилуй.

Диакон: О святем храме сем и с верою, благоговением и страхом Божиим входящих в онь Господу помолимся.

Хор: Господи, помилуй.

Диакон: О избавитися нам от всякия скорби, гнева и ну́жды Господу помолимся.

Хор: Господи, помилуй.

Священник тайно молится (вторая молитва верных):

Влады΄ко Святый, Преблагий! Молим Тя, в милости богатаго, милостива быти нам, грешным, и достойны нас сотворити подъятия Единороднаго Твоего Сына и Бога нашего, Царя славы. Се бо Пречистое Его Тело и Животворящая Кровь, в настоящий час входящия, на тайней сей предложи΄тися и΄мут трапе́зе, от множества воинства небеснаго невидимо дориноси΄мыя: ихже причастие неосужденно нам да́руй, да теми мысленное око озаряюще, сы΄нове Света и дне будем.

Диакон: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Диакон: Премудрость.

Возгласом "Премудрость" верующим напоминается об особой важности дальнейшего богослужения - о времени перенесения Преждеосвященных Святых Даров с жертвенника на престол.

Священник возглашает окончание второй молитвы верных:

По дару Христа Твоего, с Нимже благословен еси, с Пресвятым и Благим и Животворящим Твоим Духом, ныне и присно, и во веки веков.

Хор: Аминь.

  1. Воздерживаться ^

Источник: Михаил Чернов vsemolitva.ru



© 2012 Православные молитвы. Все права защищены. Разрешается републикация материалов с обязательным указанием ссылки Православные молитвы