Православные молитвы

Таинства и обряды Православной Церкви
Таинства Православной Церкви
Таинство брака

 

Чин благословения супругов, проживших много лет без церковного благословения

Чин совершается посреди церкви. На аналое лежат Евангелие и Крест, муж стоит с правой стороны, жена - с левой. Священник в облачении, как и при полном чине венчания, вручает им зажженные свечи и начинает:

"Благословен Бог наш..." - "Аминь". "Царю Небесный...", Трисвятое по "Отче наш", тропарь дня.

 

Великая ектения:

"Миром Господу помолимся". "О свышнем мире...", "О мире всего мира...", "О святем храме сем...", "О рабех Божиих (имена) и еже о Бо́зе покрове и сожитии их, Господу помолимся". "О еже спожи΄ти им до́бре во единомыслии, Господу помолимся". "О еже подати им прощение прегрешений, грехов очищение, прощение беззаконий вольных же и невольных, Господу помолимся". "Заступи, спаси, помилуй...", "Пресвятую, Пречистую, Преблагословенную...",

Возгла́с: "Яко подобает Тебе..."

Молитва 1-я

"Владыко Господи Боже наш, тайная ве́дый человеческая, иже Рааву блудницу прости΄вый и мытаре́во покаяние прие́мый, не помяни грехов наших неведения от юности. Аще бо беззакония на́зриши Господи, Господи, кто постоит Тебе, или΄ какая плоть оправдается пред Тобою? Ты бо Един еси Праведен, Безгрешен, Свят, Многомилостив, Многоблагоутробен, Жале́яй (Сожалеющий) о человеческих злодеяниях. Ты, Владыко, присво́ивый рабы Твоя (имена), соедини их любовию друг ко другу: даруй им мытаре́во обращение и блудницы слезы, да покаянием от всего сердца своего во единомыслии и мире заповеди Твоя де́лающе, сподобятся и Небеснаго Твоего Царствия. Яко Ты еси Строитель всех, и Тебе славу возсылаем, Отцу, и Сыну, и Святому Духу, ныне и присно, и во веки веков. Аминь".

Молитва 2-я

"Боже, Боже наш, прише́дый в Кану Галилейскую и тамошний Брак благослови΄вый. Благослови и рабы Твоя сия Твоим Промыслом ко общению Брака сочета́вшыяся: благослови их входы и исходы, умножи во благих житие их, восприими венцы их в Царствии Твоем, нескверны, и непорочны, и ненаветны соблюдаяй во веки веков. Аминь".

Затем священник трижды благословляет венчаемых супругов, простирая над их главами руки и каждый раз возглашая:

"Господи Боже наш, славою и честию венчай их!"

"Вонмем. Мир всем. Премудрость, вонмем". Прокимен, Апостол и Евангелие из чина венчания.

 

Сугубая ектения:

"Рцем вси от всея души и от всего помышления нашего рцем".

"Господи Вседержителю, Боже отец наших, молим Ти ся, услыши и помилуй".

"Помилуй нас, Боже, по велицей милости Твоей, молим Ти ся, услыши и помилуй".

"Еще молимся о рабех Божиих (имена), ныне прося΄щих у Бога прощения и благословения в Брака общение, о здравии и спасении их, рцем вси: Господи, услыши, и милостивно помилуй". "Еще молимся о предстоящих людех во святем храме сем и чающих от Тебе великия и богатыя милости, за всю братию нашу и за вся православныя христианы, о здравии и спасении их, рцем вси: Господи, услыши и милостивно помилуй".

Возгла́с: "Яко Милостив и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно, и во веки веков. Аминь".

"Господу помолимся". - Хор: "Господи, помилуй".

"Господи Боже наш, иже от язык предобручи΄вый Церковь, Деву Чистую, благослови и сохрани рабы Твоя сия в смирении и соединении, якоже благоволил еси сохранити я (их) до сего дне; исполни вся благая хотения их; излей на них, яко Щедр и Благоутробен, богатыя милости и щедроты Твоя; даруй им с здравием долгоденствие и во всех добродетелех преспе?яние. Яко Благ и Человеколюбец Бог еси, и Тебе подобает всякая слава, честь и поклонение, Отцу и Сыну и Святому Духу, ныне и присно, и во веки веков. Аминь".

"Мир всем". - Хор: "И ду́хови твоему". - "Главы΄ ваша Го́сподеви приклони΄те". - "Тебе, Господи". Священник, благословляя, глаголет молитву:

"Отец и Сын и Дух Святый, Всесвятая, Единосущная и Живоначальная Троица, Едино Божество и Царство, да благословит (творит крестное зна́мение над главами брачующихся) вас, и да подаст вам долгожитие, совершенство жизни и веры, и да исполнит вас всеми земными благами, и да сподобит вас получити обещанныя небесныя бла́га, молитвами Пресвятыя Богородицы и всех святых. Аминь".

"Премудрость". - "Пресвятая Богородице, спаси нас". - Хор: "Честне́йшую Херувим..." - "Слава Тебе, Христе Боже..." - Хор: "Слава, и ныне", "Господи, помилуй" (трижды), "Благослови".

Священник произносит отпу́ст, затем бывает многолетие.

 

Отпу́ст:

"Иже в Кане Галилейстей пришествием Своим че́стен Брак показа́вый, Христос, Истинный Бог наш, молитвами Пречистыя Своея Матере, святых славных и всехвальных апостол, святых равноапостольных Константина и Елены и святаго великомученика Прокопия и всех святых, помилует и спасет нас, яко Благ и Человеколюбец. Аминь".

Источник: Михаил Чернов vsemolitva.ru



© 2012 Православные молитвы. Все права защищены. Разрешается републикация материалов с обязательным указанием ссылки Православные молитвы