Православные молитвы

Чинопоследования Православной Церкви
Молебные пения

 

Молебное пение при начатии учения отроко́в

Начало молебна обычное: священник: "Благословен Бог наш..."; клир поет: "Царю Небесный..."; чтец - Трисвятое и сразу псалом 33-й: "Благословлю Господа на всякое время...." Диакон ектению: "Миром Господу помолимся" с особыми прошениями:

"О еже низпослати на отроко́в сих Духа премудрости и разума, и отверзти ум и уста, и просветити сердца́ их к приятию наказания добрых учений, Господу помолимся".

"О еже всадити в сердца́ их начало премудрости, страх Свой Божественный и тем буесть юности отгнати от сердец их, и просветити ум их, еже уклонитися от зла и творити благое, Господу помолимся".

"О еже отверзти ум их, еже прияти и разумети и па́мятствовати вся добрая и душеполезная учения, Господу помолимся".

"О еже подати им приседя΄щую Престолу Его премудрость, и всадити ю в сердца их, яко да научи΄т их, что есть благоугодное пред Ним, Господу помолимся".

"О еже преспети им премудростию и возрастом в славу Божию, Господу помолимся".

"О еже быти им премудростию и добродетельным житием, и благостоянием в православней вере радость и утешение родителем своим и Церкви Православно-Кафоличестей утверждение, Господу помолимся".

По окончании ектении священник возглашает: "Яко подобает Тебе всякая слава...." Чтец - тропари: "Яко посреде́ учеников Твоих пришел еси, Спасе, мир дая им, прииди и к нам и спаси нас. Безкнижныя ученики Дух Твой Святый наказатели яви, Христе Боже, и многовеща́нным сли΄чием язы΄ков прелесть упраздни, яко Всесилен".

На "Слава" - тропарь Пятидесятницы: "Благословен еси, Христе Боже наш..." На "И ныне" - Богородичен: "Предстательство христиан непостыдное..."

Затем Апостол (Ефесянам, зачало 218-е) и Евангелие (Марка, зачало 44-е) с обычными молитвословиями. Перед Апостолом - прокимен: "Из уст младенец и ссущих совершил еси хвалу", со стихом: "Возрадуется сердце мое о спасении Твоем".

После Евангелия диакон произносит сугубую ектению: "Помилуй нас, Боже..." до прошения: "Еще молимся о богохранимей стране нашей..." включительно, а затем добавляет особое прошение:

"Еще молимся Господу Богу нашему о еже призре́ти милостивно на отроко́в сих и низпослати в сердца, во ум и во уста их Духа премудрости, разума же и благочестия и страха Своего, и просветити их светом Своего благоразумия, и подати им силу и крепость, во еже скоро прияти и спешно навыкнути Божественнаго закона Его наказанию и всему благому и полезному учению, еже преуспевати им премудростию и разумом и всеми благими де́лы в славу Пресвятаго Его Имени и даровати им здравие и долголетны их сотворити к созиданию и славе Церкве Своея, рцем вси: Господи, услыши и милостивно помилуй".

Хор: "Господи, помилуй - 12 раз. Священник возглашает: "Услыши ны, Боже, Спасителю наш...." Хор: "Аминь". Диакон: "Господу помолимся". Хор: "Господи, помилуй". Священник возгласно читает молитву:

"Господи Боже и Создателю наш, образом Своим почты΄й нас человеки, научивый избра́нныя Твоя, яво дивитися внемлющым учению Твоему, открывый премудрость младенцем. Иже Соломона и всех взыску́ющих премудрости Твоей научи΄вый, отверзи сердца, умы и уста рабов Твоих сих, во еже прияти силу закона Твоего и со успехом познати преподаемая им полезная учения, в славу Пресвятаго Имене Твоего, в пользу и созидание Святей Твоей Церкви и разумети благую и совершенную волю Твою. Избави их от всякаго налога вражия, соблюди их в православии и вере и во всяком благочестии и чистоте во вся дни живота их, да преуспеют в разуме и во исполнении заповедей Твоих; да тако предугото́вани прославляют Пресвятое Имя Твое и будут наследницы Царствия Твоего. Яко Ты еси Бог силен в милости и благ в крепости, и Тебе подобает всякая слава, честь и поклонение, Отцу, и Сыну, и Святому Духу, всегда, ныне и присно, и во веки веков. Аминь".

После молитвы - диакон: "Премудрость". Хор: "Честнейшую Херувим...", и бывает обычный отпуст. Благословляя детей Крестом, священник говорит: "Благословение Господне на вас..." Потом дети целуют Крест, а священник кропит их святой водой.

Источник: Михаил Чернов vsemolitva.ru



© 2012 Православные молитвы. Все права защищены. Разрешается републикация материалов с обязательным указанием ссылки Православные молитвы