Православные молитвы

Чинопоследования Православной Церкви
Молебные пения

 

Чин благословения хотящым по вода́м плыти

Священник начинает обычным возгла́сом: "Благословен Бог наш..."

Чтец: "Царю Небесный...", Трисвятое по "Отче наш...", "Господи, помилуй" (12 раз), "Слава, и ныне", "Приидите, поклони΄мся" (трижды) и псалом 120-й. Диакон произносит великую ектению: "Миром Господу помолимся" до прошения: "О плавающих...", к которому присоединяет особые прошения:

"О еже милостиву, благоуветливу и благопременительну быти к рабом Своим (рабу Своему), нами ныне молящымся, и простив им вся согрешения, вольная и невольная, и благословити водно́е путешествие их, Господу помолимся".

"О еже утолити бурю, уставити ветры, и тишину к безмятежному плаванию, якоже иногда апостолом Своим, яко Милостив, подати им, Господу помолимся".

"О еже послати им Ангела Своего хранителя наставляюща их, и от всякаго зла видимых и невидимых враг покрывающа, и от истопления бури водны΄я избавляюща, Господу помолимся".

"О еже мирно и благополучно препроводити, здраво же и безмятежно возвратити их, Господу помолимся".

"О еже благословити наме́рение совета и де́ла их, к полезному совершению, в славу Пресвятаго Имене Своего, в душевную же и телесную пользу, Господу помолимся".

"О еже избавити их силою благодати Своея, от всяких бед и нужд душевных и телесных, от неду́га же и напрасныя смерти и всякия смертоносныя раны, здравие же с благополучием, и благовременным во своя΄ си возвращением милостивно подати, Господу помолимся".

"Заступи, спаси..." и прочая до конца, священник: "Яко подобает Тебе всякая слава..."

На "Бог Господь" тропари: "К Тебе, Спа́се, прибега́ющих и от Твоея всесильныя десницы по́мощи и благословения, яко от Творца и Владыки, ищущих, не пре́зри, но якоже иногда на мори словом тишину апостолом Своим пода́л еси, и ныне тихое и безмятежное плавание, со здравием им даруя, молитвами Богородицы, Едине Человеколюбче".

"Слава", глас 5-й: "Всю надежду на Тя возложи΄вшим, Спасе, буди Помощник и Изба́витель, и благое намерение де́ла с путешествием их благослови, да вси славим Тя, Единаго всех благ Подателя".

И ныне: "Под Твой покров прибегаем, Богородице Дево, молитв наших не презри в ско́рбех, но от бед избави нас, Едина Чистая и Благословенная".

Диакон: "Вонмем". Священник: "Мир всем". Диакон: "Премудрость, вонмем". Чтец произносит прокимен, глас 4-й: "Аще и пойду́ посреде́ сени смертныя, не убою΄ся зла, яко Ты со мною еси", со стихом: "И милость Твоя пожене́т мя вся дни живота моего". Апостол из Деяний святых апостол, зачало 44-е "к концу". По Апостоле "Аллилуиа", по гласу, со стихами: "Избави мя от ненавидящих мя и от глубоких вод" и "Да не потопит мене буря водна́я, ниже́ да пожре́т мене глубина". Евангелие от Марка, зачало 18-е.

По Евангелии диакон произносит ектению "Помилуй нас, Боже..." с включенными в нее особыми прошениями.

"Запретивый иногда ве́тром и морю, волна́ми вла́ющемуся, кораблю тишину словом подавый и ученики безмятежно сотворивый, при΄зри и ныне на молитву рабов Твоих (раба Твоего), Милостиве, к Тебе прилежно припа́дающих, и благослови плавание их, тихое же, мирное и безмятежное им шествие даруй, молим Ти ся, услыши и помилуй".

"По вода́м по су́ху нога́ма ходи΄вый, Спасе, и Петра всесильною Твоею десницею от истопления избавивый, Господи, верою к Твоему заступлению прибегающих и к плаванию устремляющихся, от всех бед и бурей ветреных избави, благополучное им шествие и во своя си возвращение милостивно даруй, молим Ти ся, Всещедрый Господи, услыши и помилуй".

"Ангела Твоего, Всемилостивый Господи, спутешественника и хранителя душам и те́лом их сохраняюща и от всех видимых и невидимых врагов покрывающаго посли, силою же Твоею Божественною от всякия скорби, беды΄, ну́жды, неду́га и смертоносныя раны избавляюща, здравых же и благополучных, к славе Имене Твоего Пресвятаго во своя΄ си΄ во время благоподобно возвращающиа, молим Ти ся, Всемоги΄й Владыко, услыши и милостивно помилуй".

Священник возглашает: "Услыши ны, Боже, Спасителю наш...." Диакон произносит: "Со умилением колена и главы΄ ваша Господеви преклоньше, Господу помолимся". Хор: "Господи, помилуй" (трижды). Священник читает молитву:

"Владыко, Господи Иисусе Христе, Боже наш, по вода́м нога́ма, яко по су́ху, ходи΄вый и святыя Твоя ученики и апостолы в корабли сплаватели Себе быти сподо́бивый, бури же ветреной запрети΄вый и морским ути΄шитися волна́м повеле́вый! Ты и ныне (смиренно молим Тя, Спасе) и с рабы Твоими сими ку́пно плыти в корабли сем (или в лоди΄и сей) изволи, всякий противный ветр и бурю утоляя: воздвигни же изрядныя и благовременныя ветры ко благополучному плаванию, Кормчий им Сам всегда, спасительное же, небурное и ве́дреное пристанище тем самым и кораблю (или лодии΄) бывая. И якоже Петра от истопления и от всех видимых и невидимых врагов наве́тования, бед же, и нужд, и страхований всесильною Ти десницею державно избави и во своя΄ си΄ до́бре и благополучно свое предложение и благое наме́рение совершивших здраво и весело в мире возвратитися благоизво́ли, Твою богатую и неистощимую благодать во всех де́лех им богатно даруя и корабль цел и невредим соблюдая. Ты бо еси Спас, Изба́витель и всех благих небесных и земных богатый Податель, и Тебе славу возсылаем со Безначальным Твоим Отцем, и Пресвятым, и Благим, и Животворящим Твоим Духом, ныне и присно, и во веки веков".

Хор: "Аминь".

По окончании молитвы священник дает молящимся целовать Крест, кропит их святой водой, произнося при этом: "Да благословит вас Господь от Сиона, и у́зрите благая Иерусалима вся дни живота вашего, и да исправит путешествие ваше в мире, во славу Святаго Своего Имене. Аминь".

Отпуст бывает обычный дневной.

Источник: Михаил Чернов vsemolitva.ru



© 2012 Православные молитвы. Все права защищены. Разрешается републикация материалов с обязательным указанием ссылки Православные молитвы