Православные молитвы

Чинопоследования Православной Церкви
Молебные пения

 

Последование благодарственного и молебного пения ко Господу Богу, певаемого в день Рождества еже по плоти Спасителя нашего Иисуса Христа, и воспоминания избавления Церкве и державы Российския от нашествия галлов и с ними два́десяти язык

По окончании Божественной Литургии духовенство выходит из алтаря на середину церкви, и после трех поклонов диакон произносит: "Благослови, владыко". Предстоятель возглашает: "Слава Святей...." Хор: "Аминь" и "Царю Небесный"...." Чтец: Трисвятое по "Отче наш", "Господи, помилуй" (12 раз). "Слава, и ныне", "Приидите, поклони΄мся..." (трижды), и начинается пение пророчества святого пророка Исаии: "С нами Бог, разумейте, язы΄цы, и покаряйтеся, яко с нами Бог". Чтец читает стихи пророчества от первого: "Услышите до последних земли" до конечного: "Отец будущаго века", а хор на каждый из них отвечает: "Яко с нами Бог", заканчивая троекратным (включая на "Славу" и на "И ныне") пением начала пророчества: "С нами Бог..."

Диакон произносит великую ектению до "О плавающих..." с включенными в нее особыми прошениями:

"О еже исправитися молитве нашей сей, яко кадилу пред Спасителем нашим Богом, и приятися сей жертве сердец и усте́н, испове́дающихся Господеви в день спасения, услышавшему нас в день печали, Господу помолимся".

"О еже благосердием и милостию призре́ти на победоносное воинство наше, полагающее победныя венцы к подножию но́гу иму́щаго язы΄ки достояние Свое и одержание Свое концы земли Царя царе́м и Го́спода господе́м, Тому, вся припадше помолимся".

"О еже даровати нам благодать от ныне и до века, верою и любовию возвещати спасение, и силу, и Царство Бога нашего, и область Христа Его, подавшаго Державе Его силу и воздавшему нам радость спасения своего, Господу помолимся".

"О избавитися нам от всякия скорби...", "Заступи, спаси...", "Пресвятую, Пречистую...." Возглас священника: "Яко подобает Тебе всякая слава..."

На "Бог Господь..." поются следующие тропари:

Глас 6-й: "Слава в вышних Богу и на земли мир: днесь восприемлет Вифлеем Седя΄щаго присно со Отцем; днесь Ангели Младенца рожденнаго боголепно славословят: слава в вышних Богу и на земли мир, в человецех благоволение".

"Слава в вышних Богу и на земли΄ мир: се бо Агнец Вифлее́мск льва и зми΄я нами поправ, миру мир дарова́. Тем со Ангели Младенцу миродержавному боголепну славу принесем: слава в вышних Богу и на земли мир, в человецех благоволение".

"Слава", глас 1-й: "Спаси, Господи, люди Твоя..."

"И ныне", Богородичен, глас 1-й: "Всемирную славу..."

Диакон: "Вонмем". Священник: "Мир всем". Чтец: "И ду́хови твоему". Диакон: "Премудрость". Чтец: "Пророчества Иса́иина чтение". Диакон: "Вонмем", чтец читает паримию (гл. 14-я). После паримии - прокимен, глас 7-й: "Кто бог велий, яко Бог наш? Ты еси Бог, творя΄й чудеса", со стихами: "Сказал еси в людех силу Твою", "Рех: ныне нача́х, сия измена десницы Вышняго", "Помяну́х дела Господня, яко помяну от начала чудеса Твоя", и снова: "Кто бог велий...." Чтец: "Ко Евреем Послания святаго апостола Павла чтение". Диакон: "Вонмем". Чтец читает Апостол (зачала 329-331-е). По Апостоле - священник: "Мир ти". Чтец: "И духови твоему". Диакон: "Премудрость". Чтец: "Аллилуиа", со стихом: "Господь крепость людем Своим даст. Господь благословит люди Своя миром". Диакон: "И о сподобитися нам слышанию...." Хор: "Господи, помилуй" (трижды). Диакон: "Премудрость, про́сти...." Священник: "Мир всем". Хор: "И духови твоему". Священник: "От Матфея Святаго Евангелия чтение". Хор: "Слава Тебе, Господи, слава Тебе". Диакон: "Во́нмем". Священник читает Евангелие (зачало 98-е). По окончании - хор: "Слава Тебе, Господи, слава Тебе", и сразу диакон произносит ектению: "Рцем вси..." с включенными в нее дополнительными прошениями:

"Еще молимся о еже прияти Господу Спасителю нашему испове́дание и благодарение нас, недостойных рабов Своих, яко не по беззаконием нашим сотворил есть нам, ниже́ по грехом нашим воздал есть нам, но и в годину искушения, пришедшую на всю вселенную, избавил ны есть, и внегда обышедше обыдо́ша нас врази΄ наши, явил есть нам спасение Свое".

"Авраамову десяти΄ну, по еже низложити ему четы΄ри цари΄ и пленныя свободити, рукою Мелхиседе́ка прие́мый, и внегда погрязнути фараону и во́ем его в мори Чермне́м, Моисея и Мариа́мы песни же и тимпа́ном и лико́м от столпа́ облачна внима́вый, и царя по сердцу Твоему Давида победительная Тебе Единому восписова́ти научи΄вый! Сам и ныне, Господи Сил, за еже разруши΄ти Тебе врага и местника и спасти люди Твоя и страну нашу Российскую прославити и Церковь утвердити, якоже из уст младенец, от всех нас угодныя Тебе соверши хвалы, ду́ши наша во спасение Твое исчезающыя, яко всесожжение приими, глас радости нашея услыши, и во предняя, усердно молим Ти ся, от дней печали помилуй".

"Еще молимся о победоносных вожде́х и воинах наших и о всех ревнителех веры и правды, в годину искушения ду́ши своя за братию свою положивших, яко да даст им Царь Славы в день праведнаго Своего воздаяния живот вечный и венцы нетления, нас же всех в их ду́се и вере и единомыслии утвердит".

Священник возглашает: "Услыши ны, Боже, Спасителю наш...." Хор: "Аминь". Диакон: "Вонмем, и в умилении се́рдца, колена душ и телес наших преклоньше, Господу помолимся". Священник читает молитву:

"Боже Великий и Непостижимый, Отче Безначальный, Собезначальный Сыне и Ду́ше Соприсносущный, осуществу́яй не сущая, спаса́яй погибающыя, животворя΄й мертвыя, творя΄й по воли Твоей в силе Небесней и в селении земнем, и дивным Твоим Промыслом управля΄яй всяческая! Приклони ухо Твое с высоты святыя Твоея и приими от нас, смиренных и недостойных рабов Твоих, имже велие Твое от бед и всегубительства спасение явил еси, сердцем и усты возносимая Тебе благодарственная сия моления, испове́дания и славословия. Яко не по беззакониям нашим сотворил еси нам, Господи, ниже́ по грехом нашим воздал еси нам. Ты глаголал еси древле сыново́м Израилевым, яко, аще не послушают гласа Твоего хранити и творити вся заповеди Твоя, наведеши на них язык безсту́ден лицем, иже сокрушит их во гра́дех их, до́ндеже разорятся стены их: и мы ве́дехом, яко прииде глагол страшный сей на ня и на отцы наша: обаче прещения Твоего не убоя΄вшеся и о милосердии Твоем вознеради΄вше, оста́вихом путь правды Твоя и ходи΄хом в волях сердец наших и не искуси΄хом имети в разуме и сердце Тебе, Бога разумов и сердец, еще же и отеческая предания ни во чтоже вменивше, прогне́вахом Тя о чужди΄х. Ихже ради, якоже древле сынов Израилевых, тако и нас объят лютое обстояние, и о их же ревнова́хом наставлениих, сих врагов име́яхом бу́иих и зверонравных. Но Ты, Господи Боже Щедрый и Милостивый, Долготерпеливый и Многомилостивый и Истинный, и правду храняй, и творя΄й милость в тысящи, отъемляй беззакония, и неправды, и грехи, на время малое оставль нас, милостию велиею помиловал еси и, посетив жезло́м неправды наша, якоже ще́дрит отец сыны, тако ущедрил еси нас. Призре́л бо еси на скорбь нашу и на потребление стольнаго града, в немже от лет древних призва́ся имя Твое, и на моления наша, яже не на наша правды уповающе поверго́хом пред Тобою, но на щедроты Твоя многи, Господи: и дал еси нам хребет нечестивых супостатов, воинов же наших венчал еси оружием благоволения Твоего, да от лица Христа Твоего исчеза́юще исчезнут, яко дым, врази Твои, любящии же Тебе возсияют, яко восток солнца в силе своей. Ви΄дехом, Господи, видехом и вси языцы ви΄деша в нас, яко Ты еси Бог, и несть разве Тебе, Ты убиеши и жити сотвориши, поразиши и исцелиши, и несть, иже и΄змет от руку́ Твоею. Темже утвердися сердце наше во Господе нашем, вознесе́ся рог наш в Бо́зе нашем, возвесели΄хомся о спасении Твоем. Благодарим Тя, Господи, яко наказуя наказал еси ны вмале, да не смерти во веки преда́си нас. Даждь нам, Господи, память сего славнаго Твоего посещения тверду и непрестанну имети в себе, яко да в Тебе утвержде́ни сыновним страхом и верою и любовию, и Твоею крепостию ограждени, вы΄ну, якоже днесь, поем и славословим Имя Святое Твое. Утверди благословение Твое и на верныя люди Твоя, и Дух Твой Благий да почи΄ет на них. Подаждь в Богохранимей стране нашей пастырем святыню, правителем - суд и правду, народу - мир и тишину, законам силу и вере преспе́яние. О Премилосердный Господи! Пробави милость Твою ве́дущим Тя, но и неищущим Тебе явле́н буди, еще и врагов наших сердца́ к Тебе обрати, и всем язы΄ком и племено́м во Единем Истинном Христе Твоем позна́н буди. Да от восток солнца до запад, всеми у́бо язы΄ки, единем же сердцем, вси язы΄цы восклицают Тебе гласом радования".

И заканчивает молитву возглашением: "Слава Тебе, Богу, Спасителю всех, во веки веков". Хор: "Аминь" и сразу поет славословие великое: "Слава в вышних Богу..." или песнь святого Амвросия, епископа Медиоланского: "Тебе, Бога, хвалим...." Диакон: "Премудрость". Священник творит следующий отпуст:

"Иже во яслех Вифлеемских, яко Агнец возлеги΄й, сопротивных же, крепок яко лев, сокруши΄вый, и верныя овцы Своя на путь правды и спасения и мира наставивый и упасы΄й, Христос, Истинный Бог и Спаситель наш, молитвами Пречистыя Своея Матере и всех святых, помилует и спасет нас, яко Благ и Человеколюбец".

Диакон провозглашает многолетие, и хор поет его трижды.

Затем диакон возглашает: "Во блаженном успении вечный покой подаждь, Господи, всем воинам нашим, на поле брани убиенным, и сотвори им вечную память". Хор поет: "Вечная память" (трижды).

Диакон снова возглашает: "Всему победоносному воинству нашему многая лета". Хор поет многолетие трижды.

Источник: Михаил Чернов vsemolitva.ru



© 2012 Православные молитвы. Все права защищены. Разрешается републикация материалов с обязательным указанием ссылки Православные молитвы