Православные молитвы

Вечерня

Воскресные стихиры на "Господи, воззвах"

Глас 1

Вечерния наша молитвы приими, Святый Господи, и подаждь нам оставление грехов, яко Един еси явлей в мире воскресение.

Обыдите людие, Сион, и объимите его и дадите славу в нем Воскресшему из мертвых, яко Той есть Бог наш, избавле́й нас от беззаконий наших.

 

Глас 2

Прежде век от Отца рождшемуся Божию Слову, воплощшемуся от Девы Марии, приидите, поклонимся: Крест бо претерпев, погребению предадеся, яко Сам восхоте, и воскрес из мертвых, спасе мя, заблуждающаго человека.

Христос Спас наш, еже на ны рукописание пригвоздив на Кресте заглади, и смертную державу упраздни; покланяемся Его тридневному Воскресению.

 

Глас 3

Твоим Крестом, Христе Спасе, смерти держава разрушися, и диаволя прелесть упразднися; род же человеческий, верою спасаемый, песнь Тебе всегда приносит.

Славлю Отца и Сына силу и Святаго Духа пою власть, нераздельное, несозданное Божество, Троицу Единосущную, царствующую в век века.

 

Глас 4

Животворящему Твоему Кресту непрестанно кланяющеся, Христе Боже, тридневное Воскресение Твое славим: тем бо обновил еси истлевшее человеческое естество, Всесильне, и Иже на Небеса восход обновил еси нам, яко Един Благ и Человеколюбец.

Врата адова сокрушил еси Господи, и Твоею смертию смертное царство разрушил еси: род же человеческий от истления свободил еси, живот и нетление миру даровав, и велию милость.

 

Глас 5

Честны΄м Твоим Крестом, Христе, диавола посрамил еси и Воскресением Твоим жало греховное притупил еси, и спасл еси ны от врат смертных: славим Тя, Единородне.

Велие чудо, невидимых Содетель, за человеколюбие плотию пострадав, воскресе Безсмертный. Приидите, отечествия язык, Тому поклони΄мся: благоутробием бо Его от прелести избавльшеся, в Триех Ипостасех Единаго Бога пети навыко́хом.

 

Глас 6

Победу имея, Христе, юже на ада, на крест восшел еси, да во тьме смерти седящия воскресиши с Собою; Иже в мертвых свободь, источаяй живот от Своего света, всесильне Спасе, помилуй нас.

Тебе, Господи, сущаго по всей твари, грешнии, камо бежим; на небеси Сам живеши, во аде попрал еси смерть, во глубины морския, тамо рука Твоя, Владыко, к Тебе прибегаем, Тебе припадающе молимся: Воскресый из мертвых, помилуй нас.

 

Глас 7

Приидите, возрадуемся Господеви, сокрушившему смерти державу и просветившему человеческий род, со Безплотными зовуще: Содетелю и Спасе наш, слава Тебе.

Апостоли, видевше Воскресение Содетеля, чудяхуся, поюще хвалу Ангельскую: сия слава есть церковная, сие богатство царствия: пострадавый нас ради, Господи, слава Тебе.

 

Глас 8

Вечернюю песнь и словесную службу Тебе, Христе, приносим: яко благоволил еси помиловати нас воскресением.

Тебе славим, Господи, волею нас ради крест претерпевшаго, и Тебе покланяемся, Всесильне Спасе: не отвержи нас от лица Твоего, но услыши и спаси ны Воскресением Твоим, Человеколюбче.

 

Стихиры на "Господи, воззвах" берутся из Октоиха (Триоди) и из Минеи.

Перед стихирами поются стихи псалмов: 141-го - "Изведи из темницы душу мою...", 129-го - "Из глубины воззвах к Тебе, Господи..." и 116-го - "Хвалите Господа, вси языцы...."

Если положено петь стихиры на 10, то псалмы начинают со стиха "Изведи из темницы душу мою..."; если на 8, то со стиха "Из глубины воззвах к Тебе, Господи..."; если на 6, то со стиха "Аще беззакония назриши, Господи..."; если на 4, то со стиха "От стражи утренния до нощи..."

На вседневной вечерне поются стихиры чаще всего на 6. На великой вечерне, совершаемой отдельно от утрени (в праздники с полиелеем, когда они совпадают с предпразднством или попразднством), стихиры поются на 6 и 8. На всенощном бдении, когда бывают праздники двунадесятые и с бдением, стихиры поются на 8. На воскресные дни стихиры поются на 10.

Если в воскресенье нет праздника святому, поются 7 стихир воскресных из Октоиха и 3 стихиры святому из Минеи. Если же с воскресным днем совпадает праздник святого, то поются 6 воскресных стихир. Например, если по Уставу святому положено петь стихиры на 6, то поется 6 воскресных стихир и 4 - святому; если память святого совершается с полиелеем или двунадесятый праздник Богородичный совпадает с воскресеньем, поются 4 воскресные стихиры и 6 святому или празднику. Если память святого совершается с полиелеем и на это же воскресенье приходится предпразднство или попразднство, исполняются 3 воскресные стихиры, 3 - предпразднства или попразднства и 4 - святому. Если же с воскресеньем совпадает двунадесятый праздник Господень, то вся воскресная служба оставляется и поется только служба праздничная, по Минее.

Источник: Михаил Чернов vsemolitva.ru



© 2012 Православные молитвы. Все права защищены. Разрешается републикация материалов с обязательным указанием ссылки Православные молитвы