Молитва Святой праведной Иулиании Ольшанской

Молитва Святой праведной Иулиании Ольшанской

Тропарь

Яко непорочная невеста Нетленнаго Жениха Христа, праведная дево Иулиание, со светлою свещею добрых дел вошла еси в чертог Его Небесный и тамо со святыми блаженства вечнаго наслаждаешися. Тем же моли, Его же возлюбила еси и Ему же девство твое обручила еси, испастися душам нашим.

Молитва

О, святая праведная дево Иулиание, княжно Ольшанская, помощнице всем жаждущим спасения исцеления от болезней душ и телес! О, святая агнице Божие, яко имея дар мнози болезни целити и от всех козней врагов ограждати, исцели убо наша страсти душевныя и облегчи тяжкия болезни телесныя, отраду в скорбех даруй и избави нас от всяких бед и напастей. Призри на вся предстоящия честным твоим мощем (иконе) просящим твоея помощи сердцем сокрушенным и духом смиренным, да принесем во всем житии нашем плоды духовныя: любовь, благость, милосердие, веру, кротость, воздержание, да сподобимся жизни вечныя и да любовию твоею ограждаеми, поем прослаленному тя Господу Иисусу Христу. Ему же подобает всякая слава и честь со Безначальным Его Отцем и Пресвятым Животворящим Его Духом, ныне и присно, и во веки веков. Аминь.

Читайте также

© Михаил Чернов vsemolitva.ru

Подпишитесь на рассылку

ОСТАВЬТЕ ОТВЕТ

Please enter your comment!
Please enter your name here