Православные молитвы

Священник: Слава Тебе, Боже! Слава Тебе, Боже! Слава Тебе, Боже! Благодарю Тя, Господи Боже мой, яко не отринул мя еси, грешнаго, но óбщника мя быти святынь Твоих сподобил еси. Благодарю Тя, яко менé, недостóйнаго, причаститися Пречистых Твоих и небесных Даров сподобил еси. Но, Владыко Человеколюбче, нас ради умéрый же, и воскресы΄й, и даровавый нам страшная сия и животворящая Таинства, во благодеяние и освящение душ и телес наших! Даждь быти сим и мне во исцеление души же и тела, во отгнание всякаго сопроти΄внаго, в просвещение óчию сердца моего, в мир душевных моих сил, в веру непосты΄дну, в любовь нелицемерну, во исполнение премудрости, в соблюдение заповедей Твоих, в приложение Божественныя Твоея благодати и Твоего Царствия присвоéние. Да во святыни Твоей теми сохраняемь, Твою благодать поминаю всегда и не ктомý себе живу, но Тебе, нашему Владыце и Благодетелю, и, тако сего жития изшéд о надéжди животá вечнаго, в присносýщный достигну покой, идéже празднующих глас непрестáнный и бесконéчная сладость зрящих Твоего Лица добрóту неизреченную. Ты бо еси истинное желание, и неизреченное веселие любящих Тя, Христе, Боже наш, и Тя поет вся тварь во веки. Аминь.

Молитва святого Василия Великого

Владыко Христе Боже, Царю веков и Содéтелю всех! Благодарю Тя о всех, яже ми еси пóдал, благих и о причащении пречистых и животворящих Твоих Таинств. Молю ýбо Тя, Блаже и Человеколюбче: сохрани΄ мя под кровом Твоим и в сени крилý Твоею и дáруй ми чистою совестию, даже до последняго моего издыхáния, достойно причащáтися святынь Твоих, во оставление грехов и в жизнь вечную. Ты бо еси Хлеб животный, Источник святыни, Податель благих, и Тебе славу возсылаем, со Отцем и Святым Духом, ныне и присно и во веки веков. Аминь.

Молитва Симеона Метафраста

Дáвый пищу мне плоть Твою волею, огнь сый и опаляяй недостойныя, да не опали΄ши мене, Содетелю мой; паче же пройди во ýды моя, во вся составы, во утробу, в сердце. Попали΄ тéрние всех моих прегрешений. Душу очисти, освяти помышления. Составы утверди с костьми΄ вкупе. Чувств просвети простýю пятери΄цу. Всего мя спригвозди΄ страху Твоему. Присно покрый, соблюди же и сохрани мя от всякого дела и слова душетленнаго. Очисти, и омы΄й, и украси΄ мя. Удобри΄, вразуми и просвети мя. Покажи мя Твое селение единаго Духа и не ктому селение греха. Да яко Твоего дóму, вхóдом Причащения, яко огня, мене бежит всяк злодей, вся΄ка страсть. Молитвенники Тебе приношу вся святыя, чиноначáлия же безплотных, Предтечу Твоего, премудрыя апостолы, к сим же Твою Нескверную Чистую Матерь; и΄хже мольбы, Благоутробне, приими, Христе мой, и сыном света соделай Твоего служителя. Ты бо Един еси и освящение наших, Блаже, душ и светлость, и Тебе лепоподобно, яко Богу и Владыце, славу вси возсылаем на всяк день.

Молитва иная

Тело Твое Святое, Господи Иисусе Христе, Боже наш, да будет ми в живот вечный, и Кровь Твоя Честнáя – во оставление грехов; буди же ми благодарение (причащение.- Ред.) сие в радость, здравие и веселие; в страшное же и второе пришествие Твое сподоби мя, грешнаго, стати одесную славы Твоея, молитвами Пречистыя Твоея Матере и всех святых.

Молитва ко Пресвятей Богородице

Пресвятая Владычице Богородице, Свете помрачéнныя моея΄ души΄, Надеждо, Покрóве, Прибежище, Утешение, Радование мое! Благодарю Тя, яко сподобила мя еси, недостойнаго, причастника быти Пречистаго Тела и Честны΄я Крове Сына Твоего. Но, рождшая истинный Свет, просвети моя умныя очи сердца; Яже Источник безсмертия рождшая, оживотвори΄ мя, умерщвленнаго грехом; Яже милостиваго Бога любоблагоутрóбная Мати, помилуй мя и даждь ми умиление и сокрушение в сердце моем, и смирение в мыслех моих, и воззвание в пленéниих помышлений моих и сподоби мя, до последняго издыхания, не осужденно приимáти Пречистых Таин освящение, во исцеление души же и тела, и подаждь ми слезы покаяния и исповедáния, во éже пети и славити Тя во вся дни живота моего, яко благословенна и препрославленная еси во веки. Аминь. «Ныне отпущаеши», Трисвятое по «Отче наш», отпустительный тропарь «Уст твоих, якоже светлость огня возсиявши благодать», «Слава» – кондак «От небес приял еси Божественную благодать», «И ныне» – «Предстательство христиан непостыдное», «Господи, помилуй» (12 раз), «Премудрость», «Пресвятая Богородице, спаси нас», «Честнейшую», «Слава Тебе, Христе Боже, Упование наше, слава Тебе», «Слава, и ныне», «Благослови», отпýст как на проскомидии: если в воскресенье – «Воскресый из мертвых», если нет – «Христос истинный Бог наш, молитвами Пречистыя Своея Матери, иже во святых отца нашего Иоанна, архиепископа Константинопóльскаго, Златоустаго (на литургии святого Василия Великого – «иже во святых отца нашего Василия, архиепископа Кесарии Каппадокийския») и всех святых помилует и спасет нас, яко Благ и Человелюбец».

Читать дальше

Источник: Михаил Чернов vsemolitva.ru



© 2016 Православные молитвы. Все права защищены. Разрешается републикация материалов с обязательным указанием ссылки Православные молитвы