Молебен начинается возгласом священника: "Благословен Бог наш...." Чтец: "Царю Небесный...", Трисвятое, "Отче наш", "Господи, помилуй" (12 раз), "Слава, и ныне", "Приидите, поклонимся" (трижды), псалом 140: "Господи, услыши молитву мою...", "Слава, и ныне" - "Аллилуиа" (трижды). Диакон произносит ектению "Миром Господу помолимся" до прошения "О плавающих...", за которым следуют прошения о собирающихся в путешествие.
"О еже помиловати рабов Своих (или раба Своего, имярек) и простити им всякое прегрешение, вольное же и невольное, и благословити путешествие их, Господу помолимся".
"О еже послати им Ангела мирна, спутника и наставника, сохраняюща, защищающа, заступающа и невредимо соблюдающа от всякаго злаго обстояния, Господу помолимся".
"О еже покрыти их и невредимых соблюсти от всех вражиих наветов и обстояний и безпакостных препроводити и возвратити, Господу помолимся".
"О еже безгрешное и мирное путешествие и благополучное во здравии возвращение, во всяком благочестии и честности подати им, Господу помолимся".
"О еже сохранити их невредимых и непреоборимых от всех видимых и невидимых врагов и лукавых человек озлобления, Господу помолимся".
"О еже благословити благое их намерение и благополучно к пользе душевной и телесной сотворити Своею благодатию, Господу помолимся".
"Заступи, спаси, помилуй..." и остальные прошения до конца ектении. Священник возглашает: "Яко подобает Тебе всякая слава, честь и поклонение..."
На "Бог Господь..." - тропарь, глас 2-й: "Путь и Истина сый, Христе, спутника Ангела Твоего рабом Твоим ныне, якоже Тови΄и иногда, посли сохраняюща, и невредимых, к славе Своей, от всякаго зла во всяком благополучии соблюдающа; молитвами Богородицы, Едине Человеколюбче".
"Слава": "Луце́ и Клеопе во Еммау́с спутеше́ствовавый, Спасе, сошествуй и ныне рабом Твоим, путешествовати хотя΄щим, от всякаго избавляя их злаго обстояния, вся бо Ты, яко Человеколюбец, можеши хотя΄й".
"И ныне": "Предстательство христиан непостыдное..." Затем: диакон - "Во́нмем". Священник - "Мир всем". Диакон - "Премудрость, во́нмем". Прокимен, глас 4-й: "Скажи ми, Господи, путь, воньже пойду, яко к Тебе взях душу мою", со стихом: "Изми мя от враг моих, Господи, к Тебе прибего́х". Чтение из Деяний святых апостолов (глава 8-я, зачало 20-е). После Апостола "Аллилуиа", со стихами: "От Господа стопы человеку исправятся, и пути Его восхощет зело́" и "Открый ко Господу путь твой, и уповай на Него, и Той сотворит". Евангелие от Иоанна (глава 14-я, зачало 47-е).
После Евангелия произносится ектения об отправляющихся в путь.
"Стопы человеческия исправля΄яй, Господи, при΄зри милостивно на рабы Твоя (или на раба Твоего, имярек) и, простив им всякое прегрешение, вольное же и невольное, благослови благое намерение совета их, и исходы, и входы со путешествием исправи, прилежно молим Ти ся, услыши и помилуй".
"Иосифа от озлобления братий его преславно свободи΄вый, Господи, и во Египет того наста́вивый, и благословением Твоея благости во всем благополучна сотвори΄вый, и сих рабов Твоих путешествовати хотящих благослови и шествие их безмятежно и благополучно сотвори, молим Ти ся, услыши и помилуй".
"Исааку и Тови΄и Ангела спутника посла́вый и тем путешествие и возвращение их мирное и благополучное сотвори΄вый, и ныне, Преблаже, Ангела мирна рабом Твоим нами Тебе молящымся посли, во еже наставити их на всякое дело благое и избавити от враг видимых и невидимых и от всякаго злаго обстояния, здраво же, мирно и благополучно к славе Твоей возвратити, усердно молим Ти ся, услыши и помилуй".
"Луце́ и Клео́пе во Еммау́с спутешествовавый и весело во Иерусалим возвратитися Твоим преславным познанием сотвори΄вый, спутешествуй Твоею благодатию и Божественным благословением и ныне рабом Твоим сим, нами Тебе прилежно моля΄щимся, и во всяком деле бла́зе, к славе Пресвятаго Твоего Имени, благопоспеши, во здравии и благополучии соблюдая и возвращая во время благоподобно, яко Всещедрому Благодателю, молим Ти ся, скоро услыши и милостивно помилуй".
Священник возглашает: "Услыши ны, Боже, Спасителю наш...." Диакон произносит: "Со умилением главы΄ и колена ваша Господеви преклоньше, Господу помолимся". Хор: "Господи, помилуй" (трижды). Священник лицом к молящимся читает молитву:
"Господи Иисусе Христе, Боже наш, истинный и живый Путю΄, состранствовати мнимому Твоему отцу Иосифу и Пречистей Ти Деве Матери во Египет изво́ливый, Луце́ и Клео́пе во Еммау́с спутьшествовавый! И ныне смиренно молим Тя, Владыко Пресвятый, и рабом Твоим сим Твоею благодатию спутешествуй. И якоже рабу Твоему Тови΄и Ангела Хранителя и наставника посли, сохраняюща и избавляюща их от всякаго злаго обстояния видимых и невидимых врагов и ко исполнению заповедей Твоих наставляюща, мирно же, и благополучно, и здраво препровождающа, и паки цело и безмятежно возвращающа, и даждь им все благое свое намерение ко благоугождению Твоему благополучно в славу Твою исполнити. Твое бо есть еже миловати и спасати нас, и Тебе славу возсылаем со Безначальным Твоим Отцем, и со Пресвятым, и Благим, и Животворящим Твоим Духом, ныне, и присно, и во веки веков". Хор: "Аминь". Священник дает молящимся целовать Крест и кропит их святой водой: "Да благословит вас Господь от Сиона и у́зрите благая Иерусалима во вся дни живота вашего, и да исправит путь ваш в мире, в славу Святаго Своего Имене. Аминь".
Отпуст обычный дневной.
Если молебен совершается на Литургии, то к дневному причастну присоединяется второй причастен: "Весть Господь пути непорочных, и достояние их в век будет. Аллилуиа". Чтение же молитвы, целование Креста и кропление святой водой совершается по заамвонной молитве. Отпуст бывает обычный литургийный.
