Молитесь о родителях. Поминайте их, раздавайте милостыню. Ибо лучше не украсить могилы мертвых цветами, а раздать милостыню за усопших родителей и во имя их памяти творить добрые дела. Тогда их души будут спасены. Господи, Иисусе Христе, Боже наш! Ты сирых хранитель, скорбящих прибежище и плачущих утешитель. Прибегаю к тебе аз, сирый, стеня и плача, и молюся Тебе: услыши моление мое и не отврати лица Твоего от воздыханий сердца моего и от слез очей моих. Молюся Тебе, Милосердный Господи, утоли скорбь мою о разлучении с родившим и воспитавшим (родившией и воспитавшей) мя родителем моим (материю моею) (имя) (или с родившими и воспитавшими мя родителями моими, имена родителей), душу же его (ея), яко отошедшую к Тебе, с истинною верою в Тя и с твердою надеждою на Твое человеколюбие и милость, прими в Царство Твое Небесное.
Преклоняюсь пред Твоею святою волею, ею же отъят бысть у мене, и прошу Тя, не отыми от его милости и благосердия Твоего. Вем, Господи, яко Ты Судия мира сего, грехи и нечестия отцов наказуеши в детях, внуках и правнуках, даже до третьего и четвертого рода; но и милуеша отцев за молитвы и добродетели чад их, внуков и правнуков. С сокрушением и умилением сердца молю Тя, Милостивый Судия, не наказуй вечным наказанием усопшего незабвеннаго для мене раба Твоего, родителя моего, но отпусти ему вся согрешения его, вольныя и невольныя, словом и делом, ведением и неведением сотворенная им, в житии его зде на земле, и по милосердию и человеколюбию Твоему, молитв ради Пречистыя Богородицы и всех святых, помилуй его и вечныя муки избави. Ты, Милосердный отцев и чад! Даруй мне во все дни жизни моея, до последнего издыхания моего, не преставати памятовати о усопшем родителе моем в молитвах своих, и умоляти Тя, праведного Судию, да вчиниши его в месте светле, в месте прохладне и в месте покойне, со всеми святыми, отнюду же отбеже всяка болезнь, печаль и воздыхание. Милостиве Господи, прийми днесь о рабе Твоем теплую молитву мою сию и воздай ему воздаянием Твоим за труды и попечения воспитания моего в вере и христианском благочестии, яко научившему мя первее всего ведети Тя, своего Господа, в благоговении молиться Тебе, на Тебе Единаго уповати в бедах, скорбех и болезнях хранити заповеди Твоя; за благопопечение Твоя о моем духовном преуспеянии, за тепле приносимыя ми о мне моления пред Тобою и за все дары, им испрошенные мне от Тебе, воздай ему Своею милостию, Своими небесными благами и радостями в вечном Царствии Твоем. Ты, бо еси Бог милостей и щедрот и человеколюбия, Ты покой и радость верных рабов Твоих, и Тебе славу возсылаем со Отцем и Святом Духом, и ныне и присно и во веки веков. Аминь.
