По возгласе "Изрядно о Пресвятей..." священник тайно молится, воспоминая от лица Церкви святых, спасенных Крестной Жертвой Христа Спасителя и уже прославленных Богом, благодарит Господа и прославляет Его за то, что Он, по Своей благости, удостоил их Своего Божественного прославления и соделал ходатаями за нас на Небе, а также молится за усопших в вере и надежде воскресения и о живых членах Святой Церкви.
На литургии св. Иоанна Златоуста:
О святе́м Иоанне Пророце, Предтечи и Крестители, о святых славных и всехвальных апостолех, о святем (имя рек), егоже и память совершаем, и о всех святых Твоих, ихже молитвами посети нас, Боже.
И помяни всех усопших о надежди воскресения живота вечнаго. И упокой их, идеже присеща́ет свет лица Твоего.
Еще молим Тя, помяни, Господи, всякое епископство православных, право правящих слово Твоея истины, всякое пресвитерство, во Христе диаконство и всякий священнический чин.
Еще приносим Ти словесную сию службу о вселенней, о Святей, Соборней и Апостольстей Церкви, о иже в чистоте и честне́м жительстве пребывающих, о Богохранимей стране нашей, власте́х и во́инстве ея΄. Даждь им, Господи, мирное правление, да и мы в тишине их тихое и безмолвное житие поживем во всяком благочестии и чистоте.
На литургии св. Василия Великого:
О святем Иоанне Пророце, Предтечи и Крестители, о святых и всехва́льных апо́столех, о святем (имя рек), егоже и память совершаем, и о всех святых Твоих, ихже молитвами посети нас, Боже.
И помяни всех прежде усопших о надежди воскресения жизни вечныя.
О живых священник говорит: О спасении, посещении, оставлении грехов рабов Божиих (имя рек).
О умерших же: О покои и оставлении душ раб Твоих (имя рек) на месте светле, отону́дуже отбеже́ печаль и воздыхание, упокой, Боже наш, и покой их, иде́же присеща́ет свет лица Твоего.
Еще молим Ти ся, помяни, Господи, Святую Твою Соборную и Апостольскую Церковь, ю΄же от конец даже до коне́ц вселенныя, и умири΄ ю΄, юже назда́л еси Честно́ю Кровию Христа Твоего, и святый храм сей утверди даже до скончания века. Помяни, Господи, иже Да́ры сия Тебе принесших, и о нихже, и и΄миже, и за нихже сия΄ принесо́ша.
Помяни, Господи, плодоносящих и добротворя΄щих во святых Твоих Це́рквах и поминающих убогия. Воздаждь им богатыми Твоими и небесными даровании, даруй им вместо земных небесная, вместо вре́менных - вечная, вместо тленных - нетленная.
Помяни, Господи, иже в пусты΄нех, и горах, и верте́пех, и про́пастех земных.
Помяни, Господи, иже в девстве, и благоговении, и постничестве, и в чистем жительстве пребывающих. Помяни, Господи, всякое начало и власть, и иже в пала́те братию нашу, и все воинство. Даруй им глубокий и неотъемлемый мир, возглаголи в сердца́х их блага́я о Церкви Твоей и всех людех Твоих, да в тишине их тихое и безмолвное житие поживем во всяком благочестии и чистоте. Благи΄я во благости соблюди, лукавыя бла́ги сотвори благостию Твоею. Помяни, Господи, предстоящия люди и ради благословных вин оставльшихся и помилуй их и нас, по множеству милости Твоея: сокровища их исполни всякаго бла́га: супружества их в мире и единомыслии соблюди: младенцы воспитай, юность наста́ви, старость поддержи, малодушныя уте́ши, расточенныя собери, прельщенныя обрати и совокупи Святей Твоей Соборней и Апостольстей Церкви: стужа́емыя от духо́в нечистых свободи΄, плавающим сплавай, путешествующим сшествуй, вдовицам предстани, сирых защити, плене́нныя избави, неду́гующия исцели. На судищи, и в руда́х, и в заточениих, и в горьких работах, и всякой скорби, и ну́жде, и обстоянии сущих помяни, Боже. И всех требующих великаго Твоего благоутробия, и любящих нас, и ненавидящих, и запове́давших нам, недостойным, молитися о них, и вся люди Твоя помяни, Господи Боже наш, и на вся излей богатую Твою милость, всем подая΄ яже ко спасению прошения. И ихже мы не помянухом, неведением, или забвением, или множеством имен, Сам помяни, Боже, ве́дый коего́ждо во́зраст и именование, ве́дый коего́ждо от утро́бы матере его. Ты бо еси, Господи, помощь безпо́мощным, надежда - безнадежным, обуреваемым - Спаситель, плавающим - пристанище, недугующим - Врач. Сам всем вся буди, ве́дый коегождо, и прошение его, дом, и потре́бу его. Избави, Господи, град сей (или: весь сию, или: святую обитель сию) и всякий град и страну от глада, губительства, труса, потопа, огня, меча, нашествия иноплеменных и междоусобныя брани.
После поминовения усопших возносится молитва о здравии и спасении всех живых.
Священник, продолжая молитву, произносит возгласно: В первых помяни, Господи, Великаго Господина и Отца нашего Алексия, Святейшаго Патриарха Московскаго и всея Руси, и Господина нашего Преосвященнейшаго митрополита (или: архиепископа, или: епископа; титул епархиального архиерея), ихже даруй Святым Твоим Це́рквам в мире, целых, честных, здравых, долгоденствующих, право правящих слово Твоея истины.
Хор: И всех и вся.
Священник продолжает молитву втайне:
На литургии св. Иоанна Златоуста:
Помяни, Господи, град сей, в немже живем (или: весь сию, в нейже живем, или: обитель сию, в нейже живем), и всякий град и страну́ и верою живущих в них.
Помяни, Господи, плавающих, путешествующих, неду́гующих, страждущих, плененных, и спасение их.
Помяни, Господи, плодоносящих и добротворя΄щих во святых Твоих це́рквах и поминающих убо́гия и на вся ны милости Твоя низпосли.
На литургии св. Василия Великого:
Помяни, Господи, всякое епископство православных, право правящих слово Твоея истины.
Помяни, Господи, по множеству щедрот Твоих и мое недостоинство, прости ми всякое согрешение, вольное же и невольное; и да не моих ради грехов возбрани΄ши благодати Святаго Твоего Духа от предлежа́щих Даров.
Помяни, Господи, пресви΄терство, еже во Христе диаконство и весь священнический чин, и ни единаго же нас посрами΄ши о́крест стоящих святаго Твоего Жертвенника: посети нас благостию Твоею, Господи, яви΄ся нам богатыми Твоими щедро́тами: благорастворены и полезны возду́хи нам даруй: дожди ми΄рны земли΄ ко плодоносию да́руй: благослови венец лета благости Твоея: утоли΄ раздоры Церквей, угаси шата́ния языческая, еретическая востания скоро разори силою Святаго Твоего Духа. Всех нас приими в Царство Твое, сы΄ны света и сы΄ны дне показавый: Твой мир и Твою любовь даруй нам, Господи Боже наш, вся бо воздал еси нам.
Священник (возгласно): И даждь нам еди΄неми усты΄ и еди΄нем сердцем славити и воспевати пречестно́е и великоле́пое Имя Твое, Отца, и Сына, и Святаго Духа, ныне и присно, и во веки веков.
Хор: Аминь.
Священник, обратившись лицом на запад и благословляя верующих Именем Господа Иисуса Христа, возглашает: И да будут милости Великаго Бога и Спаса нашего Иисуса Христа со всеми вами.
Хор: И со духом твоим.
Этим оканчиваются благодарственные, хвалебные молитвы, положенные по совершении Святого Таинства.
