По освящении Святых Даров молящиеся приготовляются к причащению.
Диакон, как и прежде, отойдя к горнему месту и сотворив крестное знамение к востоку, кланяется священнику, испрашивая благословение, и исходит из алтаря на солею северными дверьми для произнесения просительной ектении.
Диакон: Вся святыя помянувше, паки и паки миром Господу помолимся.
Хор: Господи, помилуй.
Диакон: О принесенных и освященных Честны΄х Даре́х Господу помолимся.
Хор: Господи, помилуй.
Диакон: Яко да Человеколюбец Бог наш, приемь я΄ во святый, и пренебесный, и мысленный Свой Жертвенник, в воню΄ благоухания духовнаго, возниспо́слет нам Божественную благодать и дар Святаго Духа, помолимся.
Хор: Господи, помилуй.
Диакон: О избавитися нам от всякия скорби, гнева и ну́жды Господу помолимся.
Хор: Господи, помилуй.
Во время ектении священник молится, чтобы Господь сподобил молящихся причаститься Святых Таин с чистою совестию, во оставление грехов, в наследие жизни вечной.
На литургии св. Иоанна Златоуста:
Тебе предлагаем живот наш весь и надежду, Владыко Человеколюбче, и просим, и молим, и ми΄ли ся де́ем: сподоби нас причаститися Небесных Твоих и страшных Та́ин, сея΄ священныя и духовныя трапе́зы, с чистою совестию, во оставление грехов, в прощение согрешений, во общение Духа Святаго, в наследие Царствия Небеснаго, в дерзновение еже к Тебе, не в суд или во осуждение.
На литургии св. Василия Великого:
Боже наш, Боже спасати, Ты нас научи благодарити Тя достойно о благодеяниих Твоих, ихже сотворил еси и твориши с нами.
Ты, Боже наш, прие́мый Да́ры сия΄, очисти нас от всякия скверны плоти и духа и научи совершати святыню в страсе Твоем, яко да, чистым свидетельством совести на́шея прие́млюще часть святынь Твоих, соединимся Святому Телу и Крови Христа Твоего: и приемше их достойне, имамы Христа живуща в сердцах наших, и будем храм Святаго Твоего Духа.
Ей, Боже наш, и да ни единаго же нас пови΄нна сотвориши страшным Твоим Сим и Небесным Та́йнам, ниже́ немощна душею и телом, от еже недостойне Сих причащатися. Но даждь нам, даже до последняго нашего издыхания, достойне приимати часть святынь Твоих, в напутие жизни вечныя, во ответ благоприя΄тен, еже на Страшнем суди΄щи Христа Твоего, яко да и мы со всеми святыми, от века Тебе благоугодившими, будем причастницы вечных Твоих благ, ихже уготовал еси любящим Тя, Господи.
Диакон: Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Диакон: Дне всего совершенна, свята, мирна и безгрешна у Господа просим.
Хор: Подай, Господи.
Диакон: Ангела мирна, верна наставника, хранителя душ и телес наших у Господа просим.
Хор: Подай, Господи.
Диакон: Прощения и оставления грехов и прегрешений наших у Господа просим.
Хор: Подай, Господи.
Диакон: Добрых и полезных душам нашим и мира мирови у Господа просим.
Хор: Подай, Господи.
Диакон: Прочее время живота нашего в мире и покаянии скончати у Господа просим.
Хор: Подай, Господи.
Диакон: Христианския кончины живота нашего, безболезненны, непостыдны, мирны и добраго ответа на Страшнем суди΄щи Христове просим.
Хор: Подай, Господи.
Диакон: Соединение веры и причастие Святаго Духа испросивше, сами себе, и друг друга, и весь живот наш Христу Богу предадим.
Хор: Тебе, Господи.
