Глас 1
Разбойничо покаяние рай окраде, плач же мироносиц - радость возвести, яко воскресл еси, Христе Боже, подаяй мирови велию милость.
Глас 2
По страсти (после страданий) шедша во гроб жены, во еже помазати тело Твое, Христе Боже, видеша ангелы во гробе, и ужасошася: глас бо слышаху от них, яко воскресе Господь, даруя мирови велию милость!
Глас 3
Удивляя видением, орошая глаголании, блистаяйся ангел мироносицам глаголаше: что Живаго ищете во гробе? воста истощивый (соделавый пустыми) гробы, тли пременителя разумейте непременнаго; рцыте Богови; коль страшна дела Твоя, яко род спасл еси человеческий!
Глас 4
Яже Твоего преславнаго востания, предтекша мироносицы, апостолом проповедаху, Христе, яко воскресл еси яко Бог, подая мирови велию милость.
Глас 5
Ангельским зраком ум смущающа и Божественным востанием душею просвещаемы, мироносицы апостолом благовенствоваху возвестите во языцех воскресение, Господу содействующу чудесы, подающему нам велию милость!
Глас 6
Вольною и животворящею Твоею смертию, Христе, врата адова сокрушив яко Бог, отверзл еси нам древний рай, и воскрес из мертвых, избавил еси от тления живот наш!
Глас 7
Иже наш зрак восприемый, и претерпевый крест плотски, спаси мя воскресением Твоим, Христе Боже, яко Человеколюбец!
Глас 8
Мироносицы Жизнодавца предстояща гробу, Владыку искаху в мертвых Бессмертнаго, и радость благовещения от Ангела приемша, апостолом возвещаху: яко воскресе Христос Бог, подая мирови велию милость.
Чтец (ипакои΄ 6 гласа): Вольною и животворящею Твоею смертию, Христе, врата адова сокрушив яко Бог, отверзл еси нам древний рай, и воскрес из мертвых, избавил еси от тления живот наш!
Хор (степенны. Антифон 1-й, глас 6): На небо очи мои возвожу, к Тебе, Слове: ущедри мя, да живу Тебе! Помилуй нас, уничиженных, устрояя благопотребныя Твоя сосуды, Слове!
Слава, и ныне: Святому Духу, всякая всеспасительная вина, аще коему Сей по достоянию дхнет, скоро вземлет от земных, восперяет, возращает, устрояет горе́.
Антифон 2-й: Аще не Господь бы был в нас, никтоже от нас противу возмогл бы вражиим бранем одолети: побеждающии бо от зде возносятся. Зубы их да не ята будет душа моя, яко птенец, Слове: увы мне, како имам от врага избыти, грехолюбив сый!
Слава: Святым Духом обожение всем, благоволение, разум, мир и благословение: равнодетелен бо есть Отцу и Слову.
И ныне, тойже.
Антифон 3-й: Надеющиеся на Господа, врагом страшни, и всем дивни, горе́ бо зрят. В беззакония рук своих, праведных жребий, помощника Тя имея, Спасе, не простирает.
Слава: Святаго Духа держава на всех: Емуже вышняя воинства покланяются со всяким дыханием дольным.
И ныне, тойже.
На все праздники в седмичные дни и в праздники Господни, даже если они совпадают с воскресеньем, поется антифон 1-й 4 гласа "От юности моея...."
