По великом входе и поставлении Святых Даров на престол верующие приготовляются к Святому Причащению.
После великих поклонов диакон, "взем время" (Служебник), то есть взяв благословение у священника, исходит на амвон и произносит просительную ектению:
Исполним вечернюю молитву нашу Господеви.
Хор: Господи, помилуй.
Диакон: О предложе́нных и Преждеосвяще́нных Честны΄х Даре́х Господу помолимся.
Хор: Господи, помилуй.
Диакон: Яко да Человеколюбец Бог наш, приемь я во святый, и пренебесный, и мысленный Свой жертвенник, в воню΄ благоухания духовнаго, возниспо́слет нам Божественную благодать и дар Святаго Духа, помолимся.
Хор: Господи, помилуй.
Диакон: О избавитися нам от всякия скорби, гнева и ну́жды Господу помолимся.
Хор: Господи, помилуй.
Священник читает тайно молитву: Иже неизреченных и невидимых та́ин, Боже, у Него́же суть сокро́вища премудрости и разума утае́на, Иже служение службы сея΄ открывый нам и положи΄вый нас, грешных, за многое Твое человеколюбие во еже приноси΄ти Тебе да́ры же и жертвы о наших гресе́х и о людских неве́дениих! Сам невидимый Царю, творяй великая и неизсле́дованная, славная же и изрядная, имже несть числа, при΄зри на ны, недостойная рабы Твоя, иже святому сему жертвеннику, а́ки херувимскому Твоему предстоя΄щия Престолу, на немже Единородный Твой Сын и Бог наш предлежащими Страшными почивает Та́инствы, и, всякия нас и верныя люди Твоя свободи΄в нечистоты΄, освяти всех нас ду́ши и телеса́ освящением неотъемлемым. Да чистою совестию, непосра́мленным лице́м, просвещенным сердцем Божественных сил причащающеся святынь и от них оживотворяеми, соединимся Самому Христу Твоему, истинному Богу нашему, рекшему: Яды΄й Плоть Мою и пия΄й Кровь Мою во Мне пребывает и Аз в нем. Яко да, все́льшуся в нас и ходящу Слову Твоему, Господи, будем храм Пресвятаго и покланяемаго Твоего Духа, изба́влени всякия диавольския козни, деянием, или словом, или мыслию действуемыя, и получив обетованная нам благая со всеми святыми Твоими, от века Тебе благоугодившими.
Диакон: Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Диакон: Вечера всего совершенна, свята, мирна и безгрешна у Господа просим.
Хор: Подай, Господи.
Диакон: Ангела мирна, верна наставника, хранителя душ и телес наших у Господа просим.
Хор: Подай, Господи.
Диакон: Прощения и оставления грехов и прегрешений наших у Господа просим.
Хор: Подай, Господи.
Диакон: Добрых и полезных душам нашим и мира мирови у Господа просим.
Хор: Подай, Господи.
Диакон: Прочее время живота нашего в мире и покаянии скончати у Господа просим.
Хор: Подай, Господи.
Диакон: Христианския кончины живота нашего, безболезненны, непостыдны, мирны и добраго ответа на Страшнем суди΄щи Христове просим.
Хор: Подай, Господи.
Диакон: Соединение веры и причастие Святаго Духа испросивше, сами себе, и друг друга, и весь живот наш Христу Богу предадим.
Хор: Тебе, Господи.
Священник: И сподоби нас, Владыко, со дерзновением, неосужденно смети призывати Тебе, Небеснаго Бога, Отца, и глаголати:
Хор: Отче наш...
Священник: Яко Твое есть Царство, и сила, и слава, Отца, и Сына, и Святаго Духа, ныне и присно, и во веки веков.
Хор: Аминь.
Священник: Мир всем.
Хор: И духови твоему.
Диакон: Главы на́ша Го́сподеви прикло́ним.
Хор: Тебе, Господи.
Священник, преклонив главу, тайно молится: Боже, Единый Благий и Благоутробный, Иже в высоких живы΄й и на смиренныя призираяй! При΄зри благоутробным оком на вся люди Твоя, и сохрани их, и сподоби вся ны неосужденно причаститися Животворящих Твоих сих Таин, Тебе бо своя΄ подклони΄хом главы΄, ча́юще от Тебе богатыя милости.
Далее священник возглашает: Благодатию, и щедро́тами, и человеколюбием Единороднаго Сына Твоего, с Нижме благословен еси, со Пресвятым и Благим и Животворящим Твоим Духом, ныне и присно, и во веки веков.
Хор: Аминь.
Священник с великим благоговением молится: Вонми΄, Господи Иисусе Христе, Боже наш, от святаго жилища Твоего и от Престола славы Царствия Твоего, и прииди во еже освяти΄ти нас, Иже горе́ со Отцем седя΄й и зде нам невидимо спребываяй, и сподоби державною Твоею рукою преподати нам Пречистое Тело Твое и Честну́ю Кровь, и нами - всем людем.
После этой молитвы священник в алтаре, а диакон на амвоне поклоняются трижды, каждый глаголя тайно: Боже, очисти мя, грешнаго.
Диакон: Вонмем.
Священник, покрытым сущим Святым Дарам, прикасается к Животворящему Святому Хлебу "с благоговением и страхом многим" (Служебник) и произносит возгласно: Преждеосвященная Святая - святым (не вознося дискоса, ибо возношение уже совершено прежде - на полной литургии) и отлагает возду́х.
Хор: Един Свят... И причастен (кино́ник): Вкусите и видите, яко благ Господь. Аллилуиа, аллилуиа, аллилуиа.
Если Апостол и Евангелие читались ко дню святого или храма, то поется и другой - положенный по Уставу - причастен. После причастна на клиросе читаются молитвы перед Причащением (для причастников).
