Молебное пение на Новый год совершается после Божественной Литургии.
Диакон: "Благослови, владыко", священник: "Благословено Царство...." Хор: "Аминь". Чтец: "Приидите, поклони΄мся..." (трижды) и псалом 64-й: "Тебе подобает песнь, Боже, в Сионе...", "Слава, и ныне" - "Аллилуиа" (трижды).
Диакон произносит ектению "Миром Господу помолимся", дополненную новогодними прошениями:
"О еже милостивно нынешнее благодарение и мольбу нас, недостойных рабов Своих, в пренебесный Свой жертвенник прияти и благоутробно помиловати нас, Господу помолимся".
"О еже благоприятным быти молениям нашим и простити нам и всем людем Своим вся согрешения, вольная и невольная, в мимошедшем лете зле нами содеянная, Господу помолимся".
"О еже благословити начаток и провождение лета сего, благодатию человеколюбия Своего, времена же мирна, благорастворе́нны воздухи и безгрешен нам в здравии с довольством живот даровати, Господу помолимся".
"О еже отвратити от нас весь гнев Свой, праведно на ны грех ради наших движимый, Господу помолимся".
"О еже отгнати от нас вся душетленная страсти и растленныя обычаи, страх же Свой Божественный всадити в сердца наша, ко исполнению заповедей Его, Господу помолимся".
"О еже обновити дух правый во утробах наших и укрепити нас в православной вере и спешных к деланию добрых дел и исполнению всех заповедей Его сотворити, Господу помолимся".
"О еже избавити Церковь Святую Свою и всех нас от всякия скорби, беды, гнева и ну́жды и от всех врагов, видимых и невидимых, здравием же, долгоденствием и миром и ангел Своих ополчением верных Своих всегда оградити, Господу помолимся".
По окончании ектении священник возглашает: "Яко подобает Тебе всякая слава, честь и поклонение...." Хор: "Аминь".
На "Бог Господь" - тропари: "Благодарни суще недостойнии раби Твои, Господи...", "Слава": "Твоих благодеяний и даров...", "И ныне": "Всея твари Содетелю, времена и ле́та во Своей власти положи΄вый, благослови венец лета благости Твоея, Господи, сохраняя в мире люди и град Твой, молитвами Богородицы, и спаси ны".
Затем читаются Апостол и Евангелие. Диакон: "Вонмем", священник: "Мир всем", чтец: "И ду́хови твоему", диакон: "Премудрость, вонмем". Чтец - прокимен: "Воспою Господеви, благодеявшему мне, и пою имени Господа Вышняго" со стихом: "Возрадуется сердце мое о спасении Твоем".
Апостол из Послания святого апостола Павла к Тимофею зачало 282. После него священник: "Мир ти", чтец: "И духови твоему", диакон: "Премудрость", чтец: "Аллилуиа" (трижды), диакон: "И о сподобитися нам слышанию Святаго Евангелия, Господа Бога молим", хор: "Господи, помилуй" (трижды), диакон: "Премудрость, про́сти, услышим Святаго Евангелия", Священник: "Мир всем", хор: "И духови твоему", священник: "От Луки Святаго Евангелия чтение", хор: "Слава Тебе, Господи, слава Тебе", диакон: "Вонмем".
Священник читает 13-е зачало Евангелия от Луки, хор по прочтении его поет: "Слава Тебе, Господи, слава Тебе", после чего диакон произносит ектению: "Рцем вси..." с новогодними прошениями:
"Благодаряще со страхом и трепетом, яко раби непотребнии Твоему благоутробию, Спасе и Владыко наш Господи, о Твоих благодеяниих, яже излиял еси обильно на рабех Твоих, и припадаем и славословие Тебе, яко Богу, приносим и умиленно вопием: избави от всех бед рабы Твоя и всегда, яко Милостив, исполни во благих желание всех нас, прилежно молимся Ти, услыши и помилуй".
"О еже благословити венец наступаемаго лета благостию Своею и утолити в нас вся вражды, нестроения и междоусобныя брани, подати же мир, твердую и нелицемерную любовь, благочинное же строение и добродетельное житие, молим Ти ся, Всеблагий Господи, услыши и помилуй".
"О еже не помянути безчисленная беззакония и лукавая наша деяния, в мимошедшем лете бывшая, и не воздати нам по дело́м нашым, но в милости и щедротах помянути нас, молим Ти ся, Милосердый Господи, услыши и помилуй".
"О еже подати дожди благовременны, ранни же и поздни, ро́су плодоносну, ветры мерны и благорастворенны, и теплоту солнечную возсияти, молим Ти ся, Всещедрый Господи, услыши и помилуй".
"О еже помянути Церковь Святую Свою и укрепити, утвердити же, разрешити и умирити ю и невредиму адовыми враты и всеми наветы видимых и невидимых врагов непребориму во веки соблюсти, молим Ти ся, Вседержавный Владыко, услыши и помилуй".
"О еже избавитися нам в сие грядущее лето и во вся дни живота нашего от глада, губительства, труса, потопа, града, огня, меча, нашествия иноплеменных и междоусобныя рати и всякия смертоносныя раны, скорби же и ну́жды, молим Ти ся, Милосерде Господи, услыши и помилуй".
Священник возглашает: "Услыши ны, Боже, Спасителю наш...." Хор: "Аминь". Диакон: "Паки и паки, преклоньше колена, Господу помолимся". Хор: "Господи, помилуй" (трижды). Священник читает молитву:
"Владыко Господи Боже наш, Источниче жизни и безсмертия, всея твари видимыя и невидимыя Содетелю, времена и ле́та во Своей власти положи΄вый и управляяй всяческая премудрым и всеблагим Твоим Промыслом! Благодарим о щедротах Твоих, яже удивил еси на нас в мимошедшее время живота нашего. Молим Тя, всещедрый Господи, благослови венец наступающаго лета Твоею благостию. Подаждь свыше благая Твоя всем людем Твоим, здравие же, спасение и во всем благое поспешение. Церковь Твою Святую, град сей и вся гра́ды и страны΄ от всякаго злаго обстояния избави, мир и безмятежие тем даруяй. Тебе, Безначальному Отцу, со Единородным Твоим Сыном, Всесвятым и Животворящим Твоим Духом, во Едином Существе славимому Богу, всегда благодарение приносити и Пресвятое Имя Твое воспевати да сподобиши".
Заканчивает священник молитву возглашением: "Слава Тебе, Богу, Благодателю нашему, во веки веков". Хор: "Аминь" и сразу же поет славословие великое: "Слава в вышних Богу..." или же песнь святого Амвросия, епископа Медиоланского: "Тебе, Бога, хвалим..."
По окончании пения - отпу́ст и многолетия. На отпусте священник произносит: "Иже плотию обре́затися изволивый нашего ради спасения, Христос, Истинный Бог наш..."
